Këtë 8 mars, marshum për njana-tjetrën
8 marsin sivjet e shënum me nji thirrje për solidaritet mes grave edhe solidaritet me gratë – kena marshu për njana-tjetrën. Dita Ndërkombëtare e Gruas, që i ka rrajt te betejat e grave punëtore në fillim të shekullit XX, paraqet luftën tonë t’vazhdueshme kundër patriarkatit, shfrytëzimit ekonomik edhe shtypjes sistematike.
N’Prishtinë n’marshin e organizum prej kolektivit Marshojmë S’festojmë, e kemi nxanë hapsinën publike nën parullën “Marshojmë për njana-tjetrën”. Rrugët e Prishtinës u mbushën me qindra njerëz që kanë bo thirrje për liri e drejtësi për gratë e çikat, tu i theksu kërkesat urgjente për mi dhanë fund dhunës me bazë gjinore, pabarazisë ekonomike edhe diskriminimit sistematik.
Marshi i ndërthuri edhe identitetet queer, tu e pohu faktin që asnji luftë për liri nuk mundet me u nda prej tjetrës. Me motivin “për njana-tjetrën” u vendos n’pah randësia e bashkimit mes grave. E ky solidaritet merr formë t’plotë kur, krah për krah me gratë, patriarkatin heteronormativ edhe shtypjen ekonomike e luftojnë edhe krejt tjerët që s’janë gra. Marshueset e kanë sjellë n’vëmendje edhe solidaritetin me Palestinën edhe krejt popujt e shtypun – tu e kërku çlirimin e popujve t’tanë që jetojnë n’robni.
N’Kosovë e n’Ballkan, aktivistet feministe edhe queer e shfrytëzojnë ketë ditë për me i shty përpara betejat e grave, veçanërisht t’atyne që jon’ t’margjinalizume – gratë lezbike, biseksuale, transgjinore, ashkalike, rome, egjiptiane, me aftësi të kufizume edhe atyne që jetojnë n’varfni e papunësi. Kjo ditë na shërbej për me ngritë zanin për krejt ato që nuk munden me marshu me ne edhe me lypë ndryshime strukturore në nji shoqni që osht’ thellsisht patriarkale!
