Qeveria Malajziane mendon për ligje më të ashpra kundër personave LGBT+
Qeveria në Malajzi nuk përjashton mundësinë e ndryshimit të Aktit të Gjykimit të Sheriatit (Juridiksioni Penal) 1965 ose Aktin 355 për të parashikuar dënime më të rënda kundër lezbikeve, gejëve, biseksualëve dhe transgjinorëve (LGBT).
Zëvendësministri në departamentin e kryeministrit malajzian për çështjet fetare, Ahmad Marzuk Shaary tha të martën me 19 janar se dënimi aktual sipas aktit, i cili parashikon burgim deri në tre vjet, një gjobë prej 5,000 RM dhe gjashtë goditje me kallam, për personat LGBT, u pa se nuk jepte “shumë efekt në grupin e njerëzve”.
Ky ndryshim duhet të shihet si i nevojshëm për të adresuar “keqbërjet” e tyre, u tha ai gazetarëve pas Dorëzimit të Dhurimit të Bankës Ushqimore nga Departamenti Fetar Islamik i Territoreve Federale në kompleksin Purnama pranë Pengkalan Chepa, në Malajzi.
Sipas tij, është ndërmarrë një veprim i ashpër ndaj atyre që nuk vishen sipas gjinisë së tyre.
“Të gjitha agjensitë fetare shtetërore dhe zbatuesit janë udhëzuar të marrin masa kundër atyre (LGBT) që nuk sillen si duhet,” tha ai.
Ai e nxiti publikun me informacion mbi aktivitetet jo të shëndetshme të kryera nga grupi LGBT të paraqiten dhe të bëjnë një raportim tek autoritetet për të lehtësuar veprimet kundër tyre.
Grupi i të Drejtave Avokatë për Lirinë (LFL) sot me 20 janar, qortuan qeverinë për synimin e përshkrimit të dënimeve më të ashpra kundër komunitetit të lezbikeve, gejëve, biseksualëve dhe transgjinorëve.
Në një deklaratë, LFL akuzoi vërejtjen nga zëvendës ministri i çështjeve fetare Ahmad Marzuk Shaary nga partia islamike PAS si një “dredhi politike” thjesht për të shpërqendruar publikun nga përqendrimi në çështjen reale që prekin malajzianët, veçanërisht në mes të pandemisë Covid-19.
“Në një kohë kur vendi është në krizë për shkak të pandemisë Covid-19, është zhgënjyese që zëvendësministri zgjedh të përqendrohet në poshtërimin e komunitetit LGBT, i cila nuk është asgjë më shumë se një dredhi politike e lodhur për të hequr vëmendjen nga çështjet reale që prekin aktualisht qytetarët malajzian,”tha grupi.
LFL tha se masa përbën ngacmime të synuara nga qeveria për të pushtuar të drejtat dhe privatësinë e myslimanëve LGBT, duke shpjeguar se çdo dënim më i rëndë do ta vinte komunitetin nën vështirësi të padrejta.
“Kjo do të ishte në shkelje të qartë të Nenit 8 të Kushtetutës Federale pasi myslimanët LGBT kanë të drejtë për barazi para ligjit dhe për këtë arsye meritojnë mbrojtje nga ligjet që i drejtojnë ata vetëm për shkak të orientimit të tyre seksual,” tha grupi.
Në nenin 8 thuhet se “të gjithë personat janë të barabartë para ligjit dhe kanë të drejtë në mbrojtjen e barabartë të ligjit”.
Myslimanët LGBT tashmë përballen me një numër shkeljesh të Sheriatit drejtuar atyre nën ligjin e Sheriatit dhe mbeten midis grupeve të margjinalizuara të cilat tani janë më të prekura nga pandemia për shkak të stigmës publike.
LFL gjithashtu i kërkoi qeverisë të ndiqte gjurmët e vendeve të tjera me shumicë myslimane si Egjipti dhe Irani, të cilët kanë njohur të drejtat LGBT dhe shmangin marrjen e pikëpamjeve kufizuese të ligjit Islam.
“Egjipti dhe Irani kanë lëshuar “fetva” që nga vitet 1980 që lejojnë operacionet e ndërrimit të gjinisë, dhe madje Pakistani ka miratuar Ligjin për Personat Transgjinorë (Mbrojtja e të Drejtave) në 2018 i cili është një njohje zyrtare e të drejtave transgjinore në Pakistan.
“Është e qartë, pra, se njohja dhe mbrojtja e komunitetit transgjinor nuk është në kundërshtim me rregullat e Islamit dhe është në fakt e detyrueshme sipas Kushtetutës sonë Federale,” shtoi grupi.
Aktivistët LGBT nga Malajzia kanë nisur një peticion që thërret në legalizimin e të drejtave LGBT+ në Malajzi. Ti ndihmojmë personave queer malajzian ta mposhtin homofobinë dhe transfobinë sistematike, duke nënshkruar dhe ndarë me të tjerët peticionin që e e gjeni në këtë link.
