Gratë trans transferohen në burgjet e burrave pavarësisht se gjykatat bllokuan vendimin e Trumpit
Gratë transgjinore të burgosura në sistemin e burgjeve amerikane janë transferuar në burgjet e burrave në përputhje me urdhrin ekzekutiv të Donald Trump, pavarësisht se vendime të shumta të gjykatave e bllokojnë politikën e presidentit, sipas avokatëve të drejtave të njeriut dhe të burgosurave.
Urdhri i Trumpit mbi “ideologjinë gjinore”, një prej sulmeve gjithëpërfshirëse ndaj të drejtave trans, sipas Avokatit të Përgjithshëm (Attorney General) “do të garantojë që meshkujt të mos mbahen në burgjet e grave ose të vendosen në qendrat e paraburgimit të grave” dhe që asnjë fond federal të mos shpenzohet për trajtimin ose procedurat e afirmimit gjinor për personat e burgosur.
Avokatët që po e sfidojnë direktivën e Trumpit thonë se vendimet gjyqësore penguan transferimin e 17 grave trans që janë paditëse në këto çështje, por të tjerat që nuk ushtruan padi tani po përballen me vendosje në burgjet e burrave.
“Unë thjesht po vazhdoj të ndëshkohem për faktin që ekzistoj”, tha Whitney, një grua trans 31-vjeçare e cila u transferua nga një institucion për gratë në një burg për burra këtë javë.
Zyra e Burgjeve të Shteteve të Bashkuara (BOP) i ndryshoi të dhënat e saj në dokumente nga “femër” në “mashkull”, tregojnë të dhënat. Në mesazhet para transferimit të saj, ajo tha se ndihej si “peng i lojërave politike të të tjerëve”. The Guardian nuk po përdor emrin e saj të plotë për shkak të frikës nga hakmarrja.
Burimi: The Guardian
