Deklaratë për çlirim nga dylberat e Palestinës
Po e shkruajmë këtë letër si punëtorë, studentë, fermerë, prindër – si palestinezë, si dylberë palestinezë. Po e shkruajmë jo sepse të qenit dylber i përjashton pozicionet tona, por sepse, në të njëjtën mënyrë që ne kemi qenë ‘tjetërsuar si dylberë, tani po përballemi me taktika koloniale patriarkale që synojnë të na tjetërsojnë më tej si dylbera palestinezë. Për t’i mbledhur fjalët dhe energjitë tona kërkon një përpjekje të madhe. Jemi të mërzitur që mes këtyre momenteve të brutalitetit spektakular dhe masakrës së projektuar mbi trupat palestinezë, duke përfshirë përdhunimin, torturën, gjymtimin, jemi distancuar nga pikëllimi që po ndjejmë dhe po organizojmë shkrimin e një deklarate.
Që nga 7 tetori, kemi qenë dëshmitarë të një gjenocidi të përshpejtuar e të deklaruar hapur dhe publikisht në shumë raste nga figura qeveritare dhe ushtarake izraelite që po shpaloset në Rripin e Gazës dhe në të gjitha pjesët e Palestinës. Brutaliteti dhe përmasat vdekjeprurëse të mizorive të kryera nga Izraeli dhe mbështetësit e tij prodhojnë kushte gjithnjë e më të tmerrshme për ata që mbeten gjallë në Palestinë, çdo ditë, kudo. Ky brutalitet është mbështetur përmes përkrahjes së vazhdueshme ekonomike, ushtarake, diplomatike dhe politike të liderëve botërorë historikisht dhe aktualisht. Ne shënojmë, dokumentojmë dhe rrëfejmë qindra masakra katastrofike të 75 viteve të fundit në duart e zemërimit asgjësues të regjimit zionist; nga Deir Yassin te Masakra e Tanturës (1948) mbi të cilën bazohet themeli i Izraelit, te Masakra e Kafr Qassem (1956) te Sabra dhe Shatila (1982), dhe kjo është vetëm për të përmendur disa. Nuk ka mundësi që asnjë lëvizje politike dhe shoqërore çlirimtare të arrijë jetën dhe dinjitetin nëse është në linjë me makinën e vdekjes gjenocidale të Izraelit. Izraeli është themeluar mbi gjak dhe mbështetet nëpërmjet gjakut.
Gjatë këtyre kohërave dhe në përputhje me shfrytëzimin afatgjatë të politikave liberale të identitetit, Izraeli ka armatosur trupat queer për të kundërshtuar çdo mbështetje për Palestinën dhe çdo kritikë ndaj projektit të kolonializimit. Izraelitët (politikanët, organizatat dhe “civilët”) kanë mobilizuar dikotomitë koloniale si “të civilizuar” dhe “barbar”, “njerëzor” dhe “kafshë” dhe binare të tjera çnjerëzore si një diskurs që legjitimon sulmet ndaj palestinezëve. Brenda kësaj retorike të kolonializimit, Izraeli kërkon të mbledhë dhe mobilizojë mbështetje nga qeveritë perëndimore dhe shoqëritë liberale duke e paraqitur veten si një komb që respekton lirinë, diversitetin dhe të drejtat e njeriut, që po lufton një shoqëri “monstruoze” dhe shtypëse, e thënë qartë përmes deklaratës së Kryeministrit të Izraelit “Ka një luftë midis fëmijëve të dritës dhe fëmijëve të errësirës, midis njerëzimit dhe ligjit të xhunglës”.
Ndërkohë që këto deklarata të qarta raciste gjenocidale dalin në pah, aktivistët në Palestinë dhe ndërkombëtarisht nuk lejohen të flasin, ngacmohen, ndalohen, kriminalizohen, punëtorët pushohen nga puna dhe studentët pezullohen nga universitetet e tyre. Në solidaritet me Palestinën, aktivistët ndërkombëtarë feminist dhe queer po përballen me sulme dhe ngacmime nga zionistët me premisën se ata që mbështesin Palestinën do të ‘’përdhunohen’’ dhe ‘’u prenë kokën’’ nga palestinezët thjesht sepse janë gra dhe dylberë. Megjithatë, shpesh, përdhunimi dhe vdekja janë ato që zionistët u dëshirojnë grave dhe dylberave që qëndrojnë në solidaritet me Palestinën. Fantazitë e zionistëve të trupave të brutalizuar nuk na befasojnë, sepse ne e kemi përjetuar realitetin e manifestimit të tyre në lëkurën dhe shpirtin tonë. Megjithatë, ata kurrë nuk përpiqen të përshpejtojnë në vrullin e tyre të qartë. Bëhet gjithnjë e më absurde kur korniza të tilla ndërtohen kundër shoqërisë palestineze, në dritën e dëshmive, raporteve dhe dokumenteve të panumërta të dhunës seksuale me të cilën palestinezët janë përballur gjatë 75 viteve të okupimit ushtarak të Izraelit.
Nga mijëra të burgosur palestinezë, burra dhe gra, të cilët janë subjekt i torturës dhe përdhunimit seksual që nga fillimi i Izraelit e deri më sot, tek dhuna e përditshme dhe në rritje e kolonëve kundër palestinezëve në Bregun Perëndimor, tek “civilët” izraelitë që filmojnë veten duke torturuar palestinezët e rrëmbyer si një trend në TikTok, dhe pamjet më të fundit tronditëse të publikuara në rrjete sociale nga ushtarët izraelitë, të cilat dokumentojnë kohëzgjatjen e torturave dhe abuzimit seksual që ushtarët dhe kolonët ushtrojnë në trupat tanë, pavarësisht nga orientimi i tyre seksual dhe gjinia – të gjitha format e dhunës përfshirë dhunën seksuale janë sistematikisht dhe strukturalisht pjesë e dominimit zionist mbi jetën palestineze. E megjithatë shoqëria izraelite vazhdon të përdorë të qenit queer për qëllime të justifikimit të luftës dhe shtypjes, sikur bombat, muret e aparteidit, armët, thikat dhe bulldozerët e tyre të jenë selektivë se kë dëmtojnë në bazë të seksualitetit dhe gjinisë.
Ne refuzojmë instrumentalizimin tonë e të qenit queer, trupave tanë dhe dhunës me të cilën përballemi si dylberë për të demonizuar dhe ç’njerëzuar komunitetet tona, veçanërisht në shërbim të akteve perandorake dhe gjenocidale. Ne refuzojmë që seksualiteti palestinez dhe qëndrimet palestineze ndaj seksualiteteve të ndryshme të bëhen parametra për caktimin e njerëzimit në çdo shoqëri të kolonizuar. E meritojmë jetën sepse jemi njerëz, me të meta tona dhe jo për shkak të afërsisë sonë me mënyrat koloniale të njerëzimit liberal. Ne refuzojmë taktikat koloniale dhe imperialiste që kërkojnë të na largojnë nga shoqëria jonë dhe të largojnë shoqërinë tonë nga ne, bazuar tek ne të qenit dylberë. Ne po luftojmë sistemet e ndërlidhura të shtypjes, duke përfshirë patriarkatin dhe kapitalizmin, dhe ëndrrat tona për autonomi, komunitet dhe çlirim janë të lidhura në thelb me dëshirën tonë për vetëvendosje. Asnjë çlirim queer nuk mund të arrihet me kolonizimin e kolonëve dhe asnjë solidaritet queer nuk mund të nxitet nëse qëndron i verbër ndaj strukturave të racizuara, kapitaliste, fashiste dhe imperiale që na dominojnë.
Ne u bëjmë thirrje aktivistëve dhe grupeve queer dhe feministe në mbarë botën të qëndrojnë në solidaritet me popullin palestinez në rezistencën e tyre ndaj zhvendosjes, vjedhjes së tokës dhe spastrimit etnik dhe luftës së tyre për çlirimin e tokave dhe të ardhmes së tyre nga kolonializmi zionist. Kësaj thirrjeje nuk mund t’i përgjigjeni vetëm duke ndarë deklarata dhe duke nënshkruar letra, por me një angazhim aktiv me betejat dekoloniale dhe çlirimtare në Palestinë dhe në mbarë globin. Kërkesat tona të qarta janë si më poshtë:
- Refuzoni fondet izraelite, refuzoni bashkëpunimet me të gjitha institucionet izraelite dhe bashkohuni me lëvizjen BDS.
- Çohuni në grevë: Në heshtje ose publikisht, refuzoni që puna juaj e shfrytëzuar të përdoret për heshtjen e aktivizmit të Palestinës ose financimin, mbështetjen dhe miratimin e kolonizimit dhe gjenocidit ushtarak të kolonëve.
- Bëni atë që kanë bërë dylberët anti-kolonialë me dekada, rimerrni narrativën dhe vendosni kushtet e bisedës, këtë herë për Palestinën. Ajo që po ndodh në Palestinë është gjenocid. Izraeli është kolonizues. Palestinezët janë një shoqëri e pushtuar ushtarakisht dhe e kolonizuar. Sipas ligjit ndërkombëtar, Izraeli nuk ka të drejtë të “mbrohet” kundër popullatës që pushton, ndërsa palestinezët kanë të drejtë t’i rezistojnë pushtimit të tyre. Kërkimi i armëpushimit është hapi i parë në mbajtjen e Izraelit përgjegjës për krimet e tij kundër njerëzimit. Ne gjithashtu duhet të kërkojmë thyerjen e rrethimit të Gazës dhe shpërbërjen e kolonisë zioniste të kolonëve.
- Kontaktoni përfaqësuesit tuaj lokal për t’i bërë presion që të heqin financimin e gjenocidit, duke i dhënë fund mbështetjes së tyre ushtarake, diplomatike dhe politike me Izraelin. Flisni kundër kriminalizimit të vazhdueshëm dhe bashkëpunëtor të solidaritetit me Palestinën dhe projeksionit kolonial dhe islamofobik të antisemitizmit evropian mbi zërat palestinezë dhe të racizuar, siç po e shohim veçanërisht në Francë, Mbretëri të Bashkruar, SHBA dhe Gjermani.
- Mbyllni rrugët kryesore. Organizoni grevë në qendrën tuaj lokale. Ndërprisni rrjedhën e tregtisë. Qetësia është një zgjedhje.
Ne, dylberë palestinezë, jemi një pjesë integrale e shoqërisë sonë dhe po ju informojmë: nga rrugicat shumë të militarizuara të Jeruzalemit në tokat e djegura të Huwara-s, në rrugët e mbikëqyrura të Jaffa-s dhe përmes mureve rrethuese të Gazës, nga lumi në det, Palestina do të jetë e lirë.
