Konfirmohet rasti i tretë i shërimit nga HIV.‘’Pacienti i Dyseldorfiit” pas 10 viteve trajtim, shërohet.
“Pacienti i Dyseldorfit”, një burrë tashmë 53 vjeç, është personi i tretë në mbarë botën që është shëruar plotësisht nga HIV përmes transplantimit të qelizave staminale.
Ashtu si në rastin e dy pacientëve të tjerë, të ashtuquajturit “Pacienti i Berlinit” dhe “Pacienti i Londrës”, transplanti ishte ndërmarrë për të trajtuar një sëmundje akute të gjakut, e cila ishte zhvilluar krahas infeksionit HIV.
“Pacienti i Dyseldorfit” ka pranuar një transplant të qelizave staminale të përdorura për trajtimin e leukemisë në vitin 2013 dhe ka treguar një rezultat pozitiv të HIV-1 që atëherë, duke përfshirë 4 vitet e fundit pasi pacienti ndaloi marrjen e ilaçeve antiretrovirale.
“Më kujtohet ende shumë mirë fjalia e mjekut: ‘mos e merr kaq afër zemrës’”, tha në një deklaratë “pacienti Dyseldorfi”, që kishte leukemi si dhe HIV-1. “Do ta kalojmë së bashku këtë dhe HIV mund të shërohet!” Në atë kohë, unë nuk i besova.”
Transplanti i qelizave staminale hematopoietike alogjene (HSCT) është procedurë që përdoret për të trajtuar disa lloje të kancerit, përfshirë leukeminë, duke transferuar qelizat e papjekura të gjakut nga një dhurues për të shtuarr palcën e eshtrave të marrësit.
Shkencëtarët tregojnë se individët me dy kopje të mutacionit Δ32 në gjenin për bashkëreceptorin HIV-1 CCR5; janë rezistentë ndaj infeksionit HIV-1. Dy rastet e mëparshme të “pacientit Londra” dhe “pacientit nga Berlini” përfshinin marrjen e një transplanti të qelizave staminale nga një dhurues me këto mutacione unike.
Björn-Erik Jensen, një specialist në departamentin e sëmundjeve infektive në Spitalin Düsseldorf University që drejton trajtimin dhe kërkimin pasues, ka zbuluar në një studim të rishikuar nga kolegët në Nature.
Pacienti u diagnostikua me leukemi akute dhe iu nënshtrua transplantimit të qelizave staminale nga një dhuruese grua në vitin 2013, e ndjekur nga kimioterapia dhe infuzionet e limfociteve të dhuruesve.
Pas transplantit, terapia antiretrovirale vazhdoi, por HIV ishte i pazbulueshëm në qelizat e gjakut të pacientit. Terapia antiretrovirale u pezullua në nëntor 2018 me pëlqimin e informuar të pacientit, pothuajse 6 vjet pas transplantimit të qelizave staminale, për të përcaktuar nëse virusi vazhdonte të jetë prezent te pacienti.
“Shpresoj shumë që këta mjekë tani do të kenë edhe më shumë vëmendje për punën e tyre,” tha pacienti. “Tani kam vendosur të heq dorë nga një pjesë e jetës sime private për të mbështetur mbledhjen e fondeve për hulumtime. Dhe sigurisht, do të mbetet gjithashtu shumë e rëndësishme për mua të luftoj stigmën ndaj HIV-it me historinë time.”
Autorët arrijnë në përfundimin se megjithëse HSCT mbetet një procedurë me rrezik të lartë që aktualisht është opsion vetëm për disa njerëz që jetojnë me kancere hematologjike dhe HIV-1, këto rezultate mund të informojnë strategjitë e ardhshme për arritjen e përmirësimitt afatgjatë të HIV-1.
Artikulli fillimit është publikuar në Good News Network dhe është përkthyer nga Dylberizm.
