Si u bë Halloween-i festa më e preferuar për personat queer
Fillimisht duke filluar si një festë për shpirtrat dhe shenjtorët, ‘All Hallows Eve’ u shndërrua butësisht në një kohë për pavarësi nga fundi i shekullit të 20-të.
Në një kohë kur njerëzit queer u arrestuan pasi u kapën në publik duke veshur tre ose më shumë veshje të “gjinisë së kundërt”, Halloween u bë një rrugëdalje për njerëzit për të luajtur, eksperimentuar dhe mishëruar dëshirat e tyre të variantit gjinor. Sot, festimet si Halloween i mësojnë fëmijët të shprehin veten pa kufizime shoqërore dhe ndihmojnë të rriturit e të gjitha identiteteve të kënaqen me fuqinë e krijimtarisë gjinore.
Rrënjët e festës së Halloween-it, si festa më e veçantë për personat queer, janë të vjetra më se një shekull. Në vitet e hershme të 1900-tave, qyteti i Pittsburgh-ut vuri re se ishte një ‘’problem’’ sa i përket festës së Halloween-it pasi që personat queer shprehnin vetën gjatë kësaj feste.
Një artikull, i shkruar më 1 nëntor të vitit 1907 për The Pittsburgh Press, ishte publikuar në lidhje me gratë e Pittsburgh që ishin veshur si burra për Halloween, gjë që ishte e paligjshme në atë kohë.
Edhe pse veshja e rrobave të gjinisë tjetër nuk të bën pjesë të komunitetit LGBTQ+, shumë persona transgjinor etiketoheshin gabimisht si persona që vetëm vishnin rrobat e gjinisë tjetër. Halloween-i shihej si një festë e sigurt për personat të cilët nuk ishin në harmoni me gjininë që iu ishte përcaktuar në lindje, që të shprehnin vetën e tyre të vërtetë, pasi që ata gjithmonë kishin refuzim bindës.
Përgjatë viteve të 90-ta, Halloween-i vazhdoi të konsiderohej sikur festa e komunitetit queer. Ishte një festë me tipare alternative, ide devijante, dhe shoqëria atëkohë konsideronte kulturën queer si të tillë.
Personat LGBTQ+ pranuan idenë e të qenit jashtë normës, veçanërisht përmes përdorimit të fjalës ‘’queer’’ në kuptim të mire, dhe pas kësaj, përvetësuan edhe festën e Halloween-it.
Në vitin 1974, Ralph Lee, i cili ishte aktor kukullash dhe artist teatri, organizoi “New York Village Halloween Parade”. Kjo paradë ishte jashtëzakonisht e përhapur mes artistësh të New York-ut dhe personave queer.
Në ditët e sotme, Halloween mund të shihet si një festë queer jo vetëm për shkak të historisë së saj, por sepse individët që nuk përshtaten me normat cisgjinore/heteroseksuale të shoqërisë mund të gjejnë ngushëllim në këtë festë unike, shkruan Olivia Davis për The Standard.
Halloween u jep mundësinë njerëzve që në mënyrë të pafalshme të jenë vetvetja, dhe për disa, është një lehtësim falënderues nga realiteti. Fatkeqësisht, ka ende shumë njerëz që ende duhet të fshihen pas mohimit.
Sipas një artikulli nga Shkolla e Mjekësisë së Yale, “rreth 83% e atyre që identifikohen si lezbike, gej ose biseksualë e mbajnë të fshehur orientimin e tyre nga të gjithë ose shumica e njerëzve në jetën e tyre”.
Halloween është një festë e rëndësishme për të gjithë në komunitet, por veçanërisht për ata që nuk janë në gjendje ose nuk dëshirojnë të paraqiten jashtë dollapit gjatë gjithë vitit.
