Gruaja trans u ther brutalisht dhe u dogj e gjallë në Azerbajxhan
Një grua trans u godit me thikë dhe u dogj e gjallë në Baku, Azerbajxhan, duke nxitur protesta të ashpra kundër transfobisë, raporton Yahoo News.
Në vendbanimin Puta të rrethit Garadagh të kryeqytetit, 27-vjeçarja Nurray u gjet e vdekur më 22 gusht nga organet ligjore të vendit.
Ajo u vra ditë më parë, më 18 gusht. Trupi i saj ishte i mbuluar me plagë, thanë detektivët sipas Meydan TV, një medie lokale. Ajo sapo kishte festuar ditëlindjen, sipas aktivistëve, kur ajo u filmua duke buzëqeshur, duke kërcyer dhe kënduar karaoke me miqtë.
Zyra e Prokurorit të Qarkut Garadag që atëherë ka ndaluar Mirshahid Mehtiyev, nga rrethi Agjabedinsky, në lidhje me vrasjen e Nurray. Motivi ende nuk është përcaktuar, por është sugjeruar një konflikt personal.
“Një çështje penale u fillua menjëherë,” tha Ekhsan Zahidov, i cili mbikëqyr forcën e policisë shtetërore për Ministrinë e Punëve të Brendshme.
“Gjatë hetimit, u vërtetua se 27-vjeçarja [Nurray], një banore e rrethit Agdam, u vra.” Mehtiyev është akuzuar për vrasje të qëllimshme sipas nenit 120.1 të kodit penal të vendit.
Pas vdekjes së Nurray, dhjetra aktivistë trans u mblodhën para Zyrës së Ombudspersonit në Baku, teksa u bënë thirrje autoriteteve të shuajnë paragjykimet dhe që avokati i popullit të policisë të dëgjojë lutjet e tyre.
Azerbajxhanit renditet si ndër vendet më të këqija në Evropë për barazi.
Në vitin 2017, Grupi LGBTI i Parlamentit Evropian bëri thirrje për veprim kundër Azerbajxhanit pas arrestimeve dhe sulmeve të gjera të njerëzve gejë në Baku.
Shumë azerbajxhanas nuk e dinë se çfarë është homoseksualiteti, thuhet në një raport të vitit 2018 të Gender and Development, një grup i ri LGBT+ në vend. Respektimi i të ashtuquajturave “tradita të vjetra” ka lënë shumë hezitues për të mësuar-dhe ligjvënësit rezistojnë ndaj ndryshimit të kësaj.
Një urrejtje e tillë ka vazhduar të rëndohet, me rritjen e rasteve të dhunës si rrjedhojë e paragjykimeve të tilla, paralajmërojnë aktivistët. Në fund të fundit, çiftet e të njëjtit seks nuk mund të martohen ose birësojnë, dhe njerëzit trans nuk mund të ndryshojnë ligjërisht gjininë e tyre.
