Argjentina prezanton karta të reja identiteti për njerëzit jo binarë
Argjentina ka paraqitur një sistem të ri identiteti kombëtar për njerëzit që identifikohen si jo binarë, raporton BCC.
Sipas ligjit kombëtar, argjentinasit kanë të drejtë të identifikojnë veten si persona me gjini neutral, por kjo nuk është pasqyruar në pasaportat dhe dokumentet kombëtare të identitetit, dhe banorët kanë qenë në gjendje të zgjedhin vetëm “mashkull” ose “femër”.
Për ta ndryshuar këtë, kushdo që aplikon për një dokument të ri identifikimi tani mund të zgjedhë “x” për gjininë e tyre. Argjentina është vendi i parë i Amerikës Latine që miratoi këtë sistem të ri, pas një dekreti të presidentit Alberto Fernández.
Në një ceremoni në Buenos Aires, ai zbuloi gamën e re të kartave të identitetit me formatin e ri “x” dhe dorëzoi tre të parat prej tyre me ministren e brendshme të Argjentinës dhe ministren për gratë, gjinisë dhe identitetit.
“Ka identitete të tjera përveç atij të burrit dhe gruas, dhe ato duhet të respektohen,” tha Fernandez. “Ideali do të jetë kur të gjithë ne jemi ashtu siç jemi dhe askush nuk interesohet për gjininë e njerëzve,” shtoi ai.
Argjentina bashkohet me një numër vendesh që kanë miratuar tashmë këtë sistem për identitetet zyrtare, përfshirë Kanadanë, Indinë dhe Zelandën e Re. Që nga zgjedhja e tij në 2019, Presidenti Fernández ishte një avokues i reformave progresive shoqërore.
Vitin e kaluar qeveria e tij e qendrës së majtë legalizoi me sukses abortin dhe Fernandez ka mbrojtur publikisht djalin e tij, Estanislao – një student i dizajnit dhe performues drag. Në fillim të këtij viti, në mes të pandemisë së koronavirusit, Argjentina gjithashtu prezantoi një taksë të njëhershme për njerëzit e saj më të pasur për të ndihmuar në pagesën e furnizimeve mjekësore dhe lehtësimin e bizneseve.
