Të mbijetuarit LGBTQ+ në Bejrut përballen me lëndime të tmerrshme, pastrehim dhe mungesë të ushqimit
Njerëzit LGBTQ+ në Bejrut kanë mbetur me lëndime të tmerrshme dhe shtëpi të dëmtuara dhe shkatërruar pas shpërthimit një javë më parë.
Shpërthimi i 4 gushtit shkatërroi një zonë të madhe të qytetit, ku u vranë mbi 200 njerëz, u plagosën mbi 6,000 dhe la mbi 300,000 të pastrehë.
Veçanërisht, ky shpërthim dëmtoi lagjet ku njerëzit LGBTQ+ kishin më shumë gjasa të jetonin – shumë prej tyre janë viktima.
Ndërkohë organizata LGBTQ + e Libanit Helem pa qendrën e tyre të komunitetit, vetëm gjysmë milje nga shpërthimi, të dëmtuar rëndë. Një tjetër qendër, e drejtuar nga Proud Lebanon, gjithashtu pësoi dëme.
Por kostoja njerëzore e shpërthimit është edhe më e rëndë. Ata që mbijetuan shpesh kanë dëmtime të rrezikshme për jetën.
Bertho Makso nga Proud Lebanon i tha GSN-së se një kolege e tij ka thyer krahët, këmbët dhe ka humbur syrin e saj.
Një nga përdoruesit e shërbimeve të organizatës u hodh nga shtëpia e saj, ku jeton në katin e dytë, për në kopsht nga forca e shpërthimit.
Disa e kanë të vështirë të marrin ndihmë për shkak të kriminalizimit dhe fanatizmit LGBTQ+ me të cilin përballen njerëzit në Liban.
Sidoqoftë, pavarësisht kësaj, njerëzit LGBTQ+ po bashkohen me qytetarë të tjerë të Bejrutit për të ofruar ndihmë.
Për shembull, Tarek Zeidan, drejtori ekzekutiv i Helem, tha:
“Stafi dhe vullnetarët e Helemit janë bashkuar në përpjekjet e ndihmës në Bejrut dhe janë duke punuar për të hequr mbeturinat, të ndihmojnë në ngritjen e kuzhinave të komunitetit dhe shpërndarjen e ndihmës urgjente për anëtarët e komunitetit që janë prekur nga shpërthimi.”
Programi i tyre i shpërndarjes së ushqimit ka ndihmuar tashmë më shumë se 800 njerëz.
Ndërkohë, njerëzit LGBTQ+ dhe bashkësia aleate ndërkombëtare po bëjnë thirrje për të ndihmuar.
Një fushatë për mbledhjen e fondeve për Proud Lebanon nga All Out ka mbledhur mijëra dollarë. Do të ndihmojë në pagimin e strehimit urgjent, ushqimit, furnizimeve mjekësore dhe mbështetjes psikologjike për të mbijetuarit e traumatizuar. Ju mund të kontribuoni këtu.
Ju gjithashtu mund të kontribuoni në mbledhjen e fondeve Helem të cilët do të sigurojnë strehim dhe do të mbështesë punën për shpërndarjen e ushqimit.
Ndërkohë, një thirrje e tretë e fondeve, nga Fondacioni Arab për Liri dhe Barazi po mbështet gjithashtu njerëzit LGBTQ+ dhe ata që jetojnë me HIV. Fondi premton të mbështesë nevojat e ushqimit, mjekësisë dhe strehimit të komunitetit. Ju mund të dhuroni në Euro ose në dollarë amerikanë.
Në perspektivë më të gjatë, e ardhmja për njerëzit LGBTQ+ dhe të gjithë qytetarët në Beirut dhe Liban nuk është e qartë.
Makso i tha GSN-së se ndjenja e përgjithshme në qytet është “trauma”:
“Njerëzit janë të traumatizuar. Nuk jam në gjendje të fle gjatë natës, zgjohem tre ose katër herë gjatë natës. Dhe kur flisni me të tjerët, ata thonë të njëjtën gjë.”
Shpërthimi erdhi pas viteve të trazuara për vendin që tashmë po tërhiqej nga një krizë financiare, një shtet i korruptuar dhe i dështuar edhe nga pandemia e koronavirusit.
Për më tepër, njerëzit LGBTQ + ende përballen me kriminalizim dhe fanatizëm. Vitet e fundit kanë parë disa lëvizje për të dekriminalizuar seksin gej. Sidoqoftë udhëheqësit fetarë kanë vazhduar të ngacmojnë njerëzit LGBTQ+ dhe policia ka bastisur ambiente gej.
Tani vendi mund të jetë në një pikë kthese. Kryeministri dhe qeveria dhanë dorëheqjen.
Ndërkohë aleatët LGBTQ+ në parlament gjithashtu janë larguar. Deputetët po përpiqen të detyrojnë zgjedhjet dhe një sistem të ri politik.
Makso tha se reagimi ndërkombëtar ndaj shpërthimit ka ngritur disponimin e publikut.
“Kur pamë gjithë mbështetjen që vinte nga bashkësia ndërkombëtare, ishte një lehtësim. Ajo që e bëri më të mirë është kur kemi dëgjuar se e gjithë mbështetja do të vij drejtpërdrejt te njerëzit, jo te qeveria.”
Në të vërtetë, demonstruesit në rrugët e Bejrutit thonë se qeveria është aq e korruptuar sa që ajo dhe i gjithë sistemi politik duhet të ndryshojnë.
Makso tha: “Situata LGBTQ është vetëm një pjesë e sfidave më të mëdha sociale dhe të drejtave të njeriut, me të cilat përballemi.
‘Shpresojmë që qeveria e ardhshme të jetë me më shumë mendje. Ajo që duam është një qeveri neutrale që nuk ndërhyn në luftërat në rajon.
‘Kur bëhet fjalë për deputetët, nuk duhet të kemi figura fetare që na qeverisin. Sepse për momentin çdo deputet po përfaqëson një grup fetar.
‘Ne kemi nevojë që Libani të jetë një vend laik. Kur të jetë një vend laik, ai do të respektojë të gjitha të drejtat e njeriut dhe brenda tij do të kemi të garantuara të drejtat LGBTQ sepse do të trajtohemi si qytetarë, jo si mëkatarë.” – përfundoi ai.
