Marsha P. Johnson ishte një grua transgjinore afrikano-amerikane, e cila ishte një aktiviste për të drejtat LGBTIQ dhe një avokuese e shprehur për personat trans me ngjyrë.
Johnson kryesoi kryengritjen Stonewall në vitin 1969 dhe së bashku me Sylvia Rivera, ajo më vonë krijoi Revolucionarët e Veprimit të Transvestitëve të Rrugës (STAR), një grup i përkushtuar për të ndihmuar të rinjtë transgjinorë të pastrehë në New York City. Jeta e saj është festuar në shumë libra, dokumentarë dhe filma.
Më 28 qershor 1969 në Stonewall Inn në Christopher Street (qendra e komunitetit gej të NYC në vitet 60ta), gjërat u kthyen në dhunë pasi disa njerëz LGBTQ u arrestuan me akuza të dyshimta, u prangosën dhe u detyruan me forcë në makinat e policisë në rrugët e NYC.
Komuniteti LGBTQ u mbush me targetimin nga policia dhe duke parë këto arrestime publike nxitën trazira që përhapeshin në rrugët fqinje dhe zgjatën disa ditë. Këto ngjarje janë përshkruar kolektivisht si “trazira”, “protesta” dhe “kryengritje”.
Cilado qoftë etiketa, ky ishte sigurisht një çast vendimtar në historinë LGBT. Shumë dëshmitarë okularë kanë identifikuar Marshan si një nga nxitëset kryesore të kryengritjes dhe kështu, disa e kanë njohur atë si pararojë të lëvizjes çlirimtare të homoseksualëve në SHBA.
Mjerisht, në moshën 46-vjeçare, më 6 korrik 1992, trupi i Marsha u gjet në lumin Hudson. Policia deklaroi se ajo kishte bërë vetëvrasje pavarësisht pohimeve nga miqtë e saj dhe komuniteti lokal se ajo nuk kishte tendenca vetëvrasëse. 25 vite më vonë, Victoria Cruz, një avokate e viktimave të krimit të Projektit Anti-Dhuna në New York e rifitoi rastin.
Historia e Johnson-it është paraqitur në Pay It No Mind: Marsha P. Johnson (2012) dhe Vdekja dhe Jeta e Marsha P. Johnson (2017) dhe Happy Birthday, Marsha! (2017). Në vitin 2015 u themelua Instituti Marsha P. Johnson,me mision të mbrojë të drejtat e njeriut të komuniteteve transgjinore dhe jo-konformiste.
Marsha kujtohet dhe nderohet si nxitëse e Stonewall, një drag queen, një modele e Andy Warhol, një aktore dhe një trans aktiviste revolucionare.
