Provincetown, nga Joel Meyerowitz

“Provincetown. Fundi i tokës Përtej saj, Atlantiku i gjerë. Njerëzit kanë ardhur këtu për të shpëtuar nga të gjitha qëkur Pelegrinët erdhën në bregdet në 1620… .Por, për neve që gjejmë rrugën tonë këtu – udhëtarët, artistët, shkrimtarët, dramaturgët, aktorët, poetë, heteroseksualë, gejë, lezbike, me gjini jo-konformuese, të zezë, të bardhë, të huaj, kushdo që dëshiron të kalojë nga presionet urbane në bukurinë e bollshme dhe shpirtërore, Provincetown Outer Cape— është vendi ku identiteti juaj dhe sensi i “shtëpisë” vijnë në tokë. ” u shpreh autori Joel Meyerowitz për koleksionin e tij.

Përgjatë fund të viteve 1970 dhe fillimit të viteve ’80, Joel Meyerowitz kaloi verën e tij në Provincetown Massachusetts – një strehë e sigurt për komunitetin queer dhe arratisje për artistët — duke bredhur në bregdet me një kamerë 8-nga-10, duke bërë portrete të familjeve, çifteve, fëmijëve, artistëve dhe banorëve të tjerë të komunitetit përparimtar.

“Provincetown” është libri që mbledh njëqind portrete, të pabotuara kurrë më parë, duke sjellë shikuesit në një botë idilike të individualizmit të vetë-stiluar.

“Qyteti jetoi përmes krizës së AIDS-it të viteve 1980 dhe qëndroi fortë në çdo lulëzim të identitetit dhe politikës seksuale të tridhjetë e pesë viteve të fundit. Dhe këtë e bëri me hir dhe njerëzim. Ajo që në shumë vende do të vlerësohej si “ndryshe” ishte normale në Provincetown.” – thotë ai për publikimin e librit të tij të fundit fotografik “Provincetown”.

Joel Meyerowitz (lindur në New York, 1938) është një fotograf me çmime të shumta, puna e të cilit është shfaqur në mbi 350 ekspozita në muze dhe galeri në të gjithë botën. Ai ka fituar dy herë Guggenheim Fellow , fitues i dy çmimeve të National Endowment for the Art dhe National Endowment for Humanities, dhe një çmim të Deutscher Fotobuchpreis. Meyerowitz ka botuar tridhjetë libra. Ai jeton në Itali.