Djegia e kukullave gej në karneval shkakton zemërim në Kroaci
Autoritetet vendore dhe grupet për të drejtat LGBT, dënuan djegien e një kukulle të një çifti gej duke u puthur dhe fëmijën e tyre në një karnaval dalmat, duke e quajtur atë një veprim urrejtës. Imazhi u dogj në karnavalin tradicional në qytetin e vogël Imotski në Kroaci.
Presidenti Zoran Milanoviç e dënoi aktin në Facebook si “çnjerëzor dhe plotësisht i papranueshëm”. Ministrja e Arsimit, Blazenka Divjak dhe Ministri i Ekonomisë Darko Horvat gjithashtu e dënuan aktin.
Shoqata e familjes Rainbow, e cila mbledh çifte LGBT dhe individë që kanë ose duan të kenë fëmijë, të hënën tha se aksioni dërgoi një mesazh të tmerrshëm për shoqërinë dhe veçanërisht për fëmijët. “Skenat e frikshme nga Imotski nuk mund të justifikohen me zakonet e karnavalit … Çfarë lloj mesazhi po u dërgohet fëmijëve tanë, fëmijë që sot në Kroaci rriten me nënat lezbike ose baballarët gej?” tha koordinatori Daniel Martinoviç.
Një deputet socialdemokrat, Arsen Bauk, tha se ai do të ngrejë akuza kundër organizatorëve të karnavalit.
Çdo vit, karnavalet në të gjithë Dalmacinë zgjedhin figura të reja për t’u paraqitur si kukulla, shpesh duke zgjedhur gjëra ose njerëz që i kanë bërë banorët vendas të mërzitur dhe inatosur.
Një pjesë e kukullës tregoi qartë fytyrën e deputetit të Partisë Social Demokratike Nenad Stazic, i cili ka bërë fushatë në parlament për çifte gej, për t’u lejuar të adoptojnë fëmijë. Karakteri i tij kishte edhe një yll të kuq në ballin e tij, simbolin e ish-Jugosllavisë komuniste.
Kur mediumi lokal Slobodna Dalmacija pyeti organizatorët e karnavaleve pse ata kishin zgjedhur një çift gej si kukull për t’u djegur, njëri tha: “Ne mbetemi konservatorë, duke iu përmbajtur traditës. Jepni foshnjës një nënë, siç e thotë thënja. Ne mendojmë se kjo është e drejtë. “
Djegia vjen pasi Gjykata Kushtetuese publikoi një aktvendim në fund të janarit që detyron gjykatat dhe autoritetet përkatëse t’u japin të gjithë aplikuesve kompetent për të nxitur mundësi të barabarta, përfshirë çifte të të njëjtit seks. Vendimi u mirëprit nga organizatat e të drejtave të njeriut, por u kritikua në qarqet shoqërore konservatore.
